Proyekto Panel Solar ta kontinuá       

214
Firma: Minister Marilyn Alcalá-Walle na nòmber di gobièrnu di Kòrsou i sra. Joyce Y. Zhaoa  a firma un akuerdo mas pa mas skol haña panel solar.
Punda–  E trayekto di amplia energia duradero, energia bèrdè, ta kontinuá. Ministerio di Enseñansa, Siensia, Kultura & Deporte huntu ku Aqualectra i China Equipment International Trading Co., Ltd./ China Machinery Engineering Corporation (CMEC-group) representá dor di Minister Marilyn Alcalá-Walle na nòmber di gobièrnu di Kòrsou i sra. Joyce Y. Zhaoa  a firma un akuerdo mas pa mas skol haña panel solar.

General Manager China Equipment International Trading Co., a firma e siguiente Memorandum of Understanding pa kuminsá hasi e trabounan di preparashon pa e siguiente skolnan ku ta bini na remarke pa pone panelnan solar, ku ta: C.M.L. Maduroschool na Kura Piedra;  Scholen Gemeenschap Otrobanda (SGO);  A.E. Goilo School Julianadorp; Kolegio Alejandro Paula (KAP) Matancia i Skol Chema Maduro/Angela Jessurun. Montana Abou.
Panel Solar ta un forma agradabel pa krea elektrisidat. No tin ningun emishon venenoso ku ta keda ventilá den atmósfera den e trayekto di energia bèrdè aki. Dor di nos klima, nos por hasi bon uso di e poder solar dor ku solo por proveé nos mas energia ku nos mester. Ademas e ta un fuente masha importante den e movementu pa energia duradero.