Despues di kuater aña Quintin de Cuba ta bèk den WTP i ku e ekipo di Kòrsou

118
Quintin de Cuba ta bèk den World Port Tournament i e biaha aki no komo hungadó pa e ekipo di Hulanda, sino pa e ekipo Santa maria Pirates di Kòrsou.

Willemstad,– Despues di kuater aña e kècher Quintin de Cuba ta bèk den World Port Tournament i e biaha aki no komo hungadó pa e ekipo di Hulanda, sino pa e ekipo di Kòrsou. De Cuba ta un di e dos hungadónan ku ta hunga den hoofdklasse na Hulanda ku lo ta ku e ekipo di Kòrsou den WTP.

Ku su skohensia pa hunga den e torneo, e èks pelotero profeshonal De Cuba lo hunga pa promé biaha for di 2010 pa e tim di Kòrsou. Na 2010 hungando pa e tim di Antia, nan a logra e di kuater lugá den e weganan Suramerikano Odesur. Na 2011 De Cuba ta bolbe hunga pa Kòrsou den WTP, pero e no a mira akshon pa e ekipo.

For di su debut na 2011, De Cuba ta hungando den hoofdklasse na Hulanda. El a hunga pa Sparta/Feyenoord na 2011, Kinheim (2012-2014), Pioniers (2015-2017) i for di 2018 e ta hungando pa e kampionnan Curacao Neptunes. Aña pasa el a Sali MVP di su ekipo durante di Kopa Oropeo ku su ekipo a gana.

E siman aki de Cuba ta bèk den e torneo despues ku el a ser yama dor di e mènedjer di Kòrsou Ramiro Balentina. Balentina mes tabata un hungadó Sparta/Fayenoord den e aña ku De Cuba a debutá pa e ekipo di Rotterdam den hoofdklasse.