Neto: “ Mi ta sintimi e hòmber mas felis di Mundu”  

58
Fot neto: Neto Murara ayera a keda presentá ofisialmente komo refuerso nobo pa ekipo di Futbòl Club Barcelona.
 

 

CAMP NOU,  – Neto Murara a keda presentá ayera komo hungadó ofisial di  FC Barcelona, na unda durante  e rueda di prensa habitual la mustra hopi kontentu i a sigurá ku e lo por logra hopi ku ekipo culé.

Es mas den su promé palabranan komo hungadó ofisial di  Barça, Neto a sigurá ku e ta sintié “e hòmber  mas felis di mundu”.

Na momentu di respondé e preguntanan periodístiko, Neto a keda kuestioná vários biaha ku e figura i presensia di Marc Ter Stegen, di kende e la sigurá ku e ta respeté.

“Mi ta respetá Ter Stegen hopi, pero ami a bini akinan pa lucha pa un puesto i duna tur dimi”, asina Neto a duna di konosé.

E kiper hulandes, Jaspe Cillessen a firma ku e plantel  valencianista miéntras ku aktual kiper di  Valencia ku ta e brasileño  Neto, lo hasi e interkambio i bisti e kamiseta di FC Barcelona, pa loke ta e próksimo temporada 2019/20.

For di algun siman atras  prensa spañó a papia di un supuesto kambio òf deal entre  Barcelona i Valencia na unda Cillessen i Neto lo keda kambia di un ekipo pa otro.  Ámbos kiper ta keda balotá na suma di 30 mion euro, di kua en prinsipio lo no mester a trese ningun problema.

Di otro banda ku Neto a keda presenta ayera pa FC Barcelona, Valencia di nan banda no  keda atras i tambe a presenta Cillessen di forma ofisial.

“ Pami por mantene mi puesto titular den selekshon di Hulanda mi mester hunga tur dia, asina Cillesen a duna di konose pa lokual tabata su situashon den Barcelona ta unda e kiper titular ta e aleman, Marc Ter Stegen.