A sera Cafe Murk pa labamentu di plaka

59
burgemeester ta sera popular café Murk
UTRECHT—Café Murk den bario Ondiep na Utrecht a keda será riba orden di burgemeester Zanen pa labamentu di plaka.

Segun outoridatnan tin indikashonnan ku e doñonan ta laba plaka kriminal.  E cafe tabata masha popular bou di habitantenan di Utrecht. Tabata sitio kaminda defuntu kriminal Cor van Hout tabata frekuentá. Burgemeester Van Zanen a revoká e permitnan di horeka pasobra tin peliger ku doñonan ta hasi maluso di esaki, segun e munisipio. Pasobra e destinashon di horeka por keda valido esaki por habri si bini un doño nobo bonafide. E tat di 73 aña a bisa prensa ku e ta na latura ku tabatin un investigashon. Habitantenan lo manda un petishon pa burgemeester pa tene e establesimentu habrí debí na e funshon sosial. Murk tin 125 aña riba Geesinkstraat.