Dijsselbloem menshoná komo direktor IMF

51
Dijsselbloem kandidato fuerte pa IMF
DEN HAAG—Hulanda a duna algun bon kandidato pa remplasá Christine Lagarde komo direktor di Fondo Monetario Internashonal.

Minister Hoekstra a bisa esaki na komienso di e kumbre na Brussel di ministernan di Finansa oropeo. Hoekstra no kier a menshoná nòmbernan pa no perhudiká e kandidatonan. Segun redakshon finansiero Bloomberg i Reuters Jeroen Dijsselbloem ta un dje nòmbernan menshoná. Otro kandidatonan ta e presidente di banko sentral britaniko Mark Carney, Georgieva di banko mundial i komisario oropeo danes Margrethe Verstager. For di inisio di tur dos instansia, djis despues di segunda Guera Mundial, Merka ta enkabesá Banko Mundial i Oropa direktor di IMF. Tur 11 eks-direktornan di IMF tabata oropeo, un biaha un hulandes, Johan Witteveen. E tabata director di 1973 pa 1978. Fransia tabatin 5 direktor, inkluso esun aktual Lagarde. Lagarde a keda postula pa bira presidente di Banko Sentral oropeo. Minister di Finasa franses Bruno Le Marie a enfatisá ayera ku e direktor di IMF nobo tambe mester ta oropeano i ku paisnan oropeo mester uní forsa tras di un kandidato oropeo. Resientemente Dijsselbloem a keda nombrá komo presidente di Onderzoeksraad Veiligheid. E tabata minister di Finansa di 2012 pa 2017 i presidente di Eurogroep pa algun aña.