Dj Juan Danger ta bai pasa pa un radio nobo na Boneiru

317
Pa un ratu e ta riba Radio Bibu Online, pero un djis aki e ta kuminsá na Radio 93.5 F.M.

WILLEMSTAD,—-Informashon ku ‘E Mulina’, a risibí direktamente for di Boneiru ta bisa ku e konosido Dj Juan Danger ku últimamente tambe a bandoná Play FM despues di a laborá 2 aña, na e radio emisora ariba menshoná, lo bai ta un di e Dj nan di e radio nobo di  Jhonny Leoneta, kual ta bai ta riba e frekuensia 93.5 FM aya na Boneiru.

Pero ‘E Mulina’, a komprondé ku aktualmente Dj Juan Danger ta laborando na un radio riba Internet kual ta Radio Bibu Online kual por keda skucha via di basilachill. Pues e dia nan aki Dj Juan Danger ta mantené su oyente nan riba Radio Bibu Online, pero esaki no ta bai pa muchu tempu.

Mas aleu nos tin informashon ku Jhonny Leoneta ta armando un ekipo fuerte pa su radio emisora nobo. ‘E Mulina’, ta na altura di algun nòmber fuerte ku ta ser menshoná, asta tin nòmber di un te dos Dj Lokutor hopi popular ku por pasa forma parti di e radio emisora nobo en kuestion.

Esaki no ta e úniko moveshon ku tin ku a tuma lugá na Boneiru. ‘E Mulina’, a komprendé ku tin mas moveshon ta tumando lugá na e mes un radio emisora en kuestion, ta manera un warwarú ku tin un spit hopi haltu ku ningun hende no por kontrolá ta pasando den e radio emisora lokal.