Dj Ruy tambe a entrega su karta na gerente di Play FM

70
E la entrega karta di retiru na gerente di Radio Play FM.

WILLEMSTAD,—-E dia nan aki tin un airu ferfelu i fuerte ta suplando den direkshon di e radio emisora Play F.M.  97.1. T’asina ku  for di despues ku koleganan a keda pone na altura ku Gian-Carlo a bandoná Play FM. Esaki a pone ku algun otro kolega Dj Lokutor tambe a bai tras di Gian-Carlo Maduro.

Di informashon ku a drenta na ‘E Mulina’, su mesa di redakshon, ta bisa ku e Dj Lokutor Dj Ruy tambe a entrega su karta di retiro na gerente nobo di e radio emisora ariba menshoná. No ta un sekreto ku Dj Ruy a bin ta hasi bon trabou na Radio Play F.M.

Mas informashon ku ‘E Mulina’, ta disponé di dje ta bisa ku Dj Ruy ta pendiente pa bai forma parti di radio emisora Radio Bibu Online, ku ta un radio emisora ku ta keda skucha riba Internet. ‘E Mulina’, a komprondé ku Dj. Ruy tambe a bandoná Play FM i ta pendiente pa e tambe bai forma parti di e tim di Radio Bibu Online.

Tambe por skucha e radio riba basilachill. Mester bisa ku den algun dia e radio ariba menshoná a pèrdè tres Dj Lokutor, esaki sin duda ta pone ku e radio en kuestion por bai pèrdè su oyente nan. Tambe tin ku bisa aserka ku e tres persona nan ku a bandoná e radio, kada un di nan ta hopi skucha na Boneiru.