Edifisio destruí despues di eksploshon bankomátiko Landgraaf

51
bankomátiko na Landgraaf
LANDGRAAF—Na ABN AMRO Raadhuisplein na Landgraaf kriminalnan a bula un bankomatiko ku eksplosivo ayera mainta.

Alrededor di 5:00 nan a bula e bankomatiko den sentro komersial Kamp, segun prensa. Parti dilanti di e banko a keda hopi destruí. Negoshinan serka tambe tin daño material. E sospechosonan a hui den un outo. No ta konosí si nan a logra bai ku plaka. EOD ta hasiendo investigashon pasobra posiblemente tin mas eksplosivo ku a keda atras. Habitantenan di apartamentonan riba e banko a keda evakuá pa kaba ku e investigashon di EOD i ekspertonan di konstrukshon. A akomoda nan otro kaminda segun e burgemeester.