Eksploshon ku dos morto na Vlaardingen tabata intenshonal

115
eksploshon na Vlaardingen tabata dòbel asesinato
VLAARDINGEN—E eksploshon di djabièrnè último den un apartamento na Vlaardingen a keda intenshonalmente okashoná pa e habitante.

Promé e hòmber a asesiná su esposa pa despues pone eksplosivo den e kas segun investigashon di polis. E hòmber mes a muri a kousa di e eksploshon. Asina a start e investigashon a tuma nota ku no tabatin defektonan tékniko, un lèk di gas a keda eskluí. Polis no a informá kiko a okashoná e eksploshon. Despues di e ksploshon a haña dos kurpa den e apartamento. Polis a tuma algun dia pa investigashon. Tambe a wak imágennan di kámara i papia ku testigunan. Habitantenan di otro apartamentonan den e edifisio mester a keda evaluá pa seguridat. Ora e situashon tabata safe nan por a bolbe kas. Segun bisiñanan un famia ku yunan tabata biba den e apartamento destruí, pero polis no ta bisando nada di esaki.