Froude funshonario Rijkswaterstaat 2,3 mion

79
funshonario for di 2012 ta entregá fakturanan falsu
DEN HAAG—E froude na departamento Rijkswaterstaat ta mas grandi ku a kalkulá, segun investigashon a indiká.

Un funshonario ku na komienso di aña a keda deskubrí pa froude di 1,7 mion euro, a resultá di ta 2,3 mion na fakturanan falsu. Investigashon a mustra ku for di 2012 e tabata hasi froude, no 2014. E tabata bende material di e servisio Rijkswaterstaat na tersero pa tene e plaka (18.000 euro) pa su mes. Despues ku el a atmití su froude, el a haña retiro. Tur kos ta indika ku e funshonario tabata hasi froude su só, segun minister Nieuwenhuizen di Infrastruktura. E persona tabat aresponsabel pa kompranan chikitu te un suma di 15.000 euro. E tabatin konfiansa di esun responsabel. E minister lo tuma medidanan pa kombatí froude den kompranan pa servisionan.