Gian-Carlo Maduro a bandoná Radio Play

392
Despues di dos aña di laborá, e la bandoná Play FM.
WILLEMSTAD,—-Di informashon ku ‘E Mulina’, a risibí ta indiká ku Gian-Carlo Maduro a bandoná e radio emisora Play FM 97.1. Manera ta konosí na òktober 2017 Play FM a bai den aire ku Gian-Carlo Maduro komo station manager di kual nos tin ku bisa ku e radio mesora a kuminsá move pa haña un puesto serka e oyentenan, kual esaki a bin sosodé tambe.

Den luna di aprel 2019 Gian-Carlo a tuma maneho di e radio kompletu bou di su kompania FOCUS Media & Entertaiment, pero a entrega esaki na fin di yüni 2019. ‘E Mulina’, a komprondé ku e motibu nan ku a pone Gian-Carlo Maduro yega na e desishon aki ta hopi, kuminsando di no kumpli te na traha ku ekiponan ku no ta funshoná 100%, miéntras ku e doño ni esun responsabel pa e frekuensia no ta invertí den ekiponan nobo.

Un kos ‘E Mulina’, por bisa ku esaki ta un sla duru pa Play FM, ya ku esnan ku konosé Gian-Carlo sa ku ta trata aki di un tremendo persona i ku sa kiko ta su trabou den e mundu di medionan di komunikashon. Nos a drenta den kontakto ku Gian-Carlo i mesora e la konfirmá e notisia pa nos i mesora nos a puntr’é kiko ta bai ta e siguiente stap ku e ta bai tuma, Gian-Carlo a bisa nos ku e no tin niun oferta ni nada di niun radio pero tur ta bon bini.

Gian-Carlo kier a gradisí tur su oyentenan, spònsernan ku a kere den su persona i su programa “ Bonaire awe “ i e la terminá bisando ku e tin fe i ta kere den su Dios i ku kada porta ku sera tin un mas mihó ta habri. E mulina por bisa ku nos a skucha vários vrum, vrum den pasado pa ku un radio, porta esaki lo por bai kristalisá. E mulina por bisa ku no ta ekskluí ku lo tin mas personal ku lo hala kita awor ku Gian-Carlo no tei mas na Play FM.