Ku un Kambio grandi Torneo Creme de la Creme ta kuminsá 6 di sèptèmber

158
Reshenten Tomsjansen huntu ku skout di e organisashon di LA na Kòrsou, ‘Lando Chirino, ayera despues di e firmamentu.

Willemstad,– E torneo tradishonal ku tur aña di nobo ta tuma lugá despues ku selekshonnan di Little League regresá for di tur kompromiso, ta bai ranka Sali e aña aki dia 6 di sèptèmber.

Vigilante tabatin kontakto ku e doño di e torneo, kende ta señor Lando Chirino i el a splika nos ku ya kaba tin masha hopi organisashon kua  inskribí i por ehèmber e por bisa ku Santa Maria lo kompetí ku dos tim di Little i dos tim di Minor, miéntras ku Trai Seru lo tin dos Little. Ademas di e organisashonnan aki, tambe tin Montaña Abou i Montaña Ariba ku ya a inskribí i tambe Brievengat.

Tambe señor Chririno a splika nos ku e aña aki lo bai tin un kambio ku sigur e ekiponan mester tene kuenta kuné. Esaki ta ku kontrali na añanan anterior ku tabata usa lista di e añsa vigente, e aña aki lo bai usa lista di 2020, pues e muchanan ku a hunga nan último aña den Minor e aña aki, lo mester kompeti den Little, mientras ku esnan ku a kaba ku nan di dos aña den Little, lo no por kompetí den Creme de la Creme 2019.

Segun Chirino esaki ta un kambio, mirando asuntu di edat ku a kambia i ku ta hunga un ròl. E ta bisa ku no ta bale la pena bèrdat pa e mucha hunga den Little :League den Creme de la Creme i ora ku kampionato kuminsá e aña aki e ta den Junior League. Of e mucha ta hunga den Minor den Creme de la Creme, pero un djis tras di Creme de la Creme e kampionato di Little League ta kuminsá i e mucha ta hunga den Little i no ta den Minor, pues esaki sigur ta un kambio ku lo mester bai wak kon e lo resultá.

Pa sobra kosnan Chirino ta bisa ku tur kos ta keda práktikamente mesun kos i solamente mester disidí ainda na ken e kampionato Creme de la Creme lo ta dediká den 2019.