Mbappé ta e sup21 mas balioso di Mundu pa di dos aña konsekutivo

84
Fot kylian: Kylian Mbappé ta enkabesá e ranking dje hungadónan menor di 21 aña mas balioso. E tin un balor di 261,6 mion di euro.

STOCKHOLM,  – Kylian Mbappé ta enkabesá e ranking dje hungadónan menor di 21 aña mas balioso pa di dos temporada konsekutivo ku 261,6 mion di euro, esaki ta loke a keda publiká  pa Soccerex i Prime Time Sport, porsierto na unda no tin ningun spañó entre 20 promé puesto riba e ranking.

Di akuerdo ku e di sinku edishon pa informashon elaborá  pa   Soccerex Prime Time Sport  e delantero franses di PSG ta un futbolista ku a nanse dia  1 di yanüari  na  1998 i esun mas balorá den aktualidat a base di su edat, su posishon, su ekipo, su kontrakt, su balor merkado, su number internashonalnan, su registronan goliadó, e kantidat di minütnan disputa  òf leshonnan i otro kuestion tékniko.

E astro  “Bondy” a oumentá su balor kompará ku aña pasá na unda e la dupliká su balor di un forma inmediato riba su mas serkano siguidó den  tòp 20 di hóbennan analisá pa e informe.

E ekstremo ingles di  Borussia Dortmund Jadon Sacho (120,3 mion euro), tin amplio bentaha riba e okupante number tres ku ta e sentral hulandes Mathijs De Ligt (74,5 mion).

Na su edat di 19 aña i danki na su deslumbrante temporada na Alemania, e la destapa komo un dje hungadónan mas  produktivo den liganan di europa, Sancho ta lidera e grupo di hungadónan prospekto ingles ku aparesé riba e lista manera Trent Alexander-Arnold (73,6 mion), Phil Foden (40,8), Declan Rice (39), Ryan Sessegnon (33,8) òf Callum Hudson-Odoi (31,7).