Miones konfiská den investigashon grandi di kokaina

162
entradanan na 28 adres den Oropa
AMSTERDAM—Den un investigashon internashonal kordiná pa Europol i Eurojust, outoridatnan polisial a konfiská miones di euro.

Den e investigashon a tene entradanan na diferente adrès den Hulanda, Bosnia, SLovebia, Spaña i Bèlgika. Sospechosonan prinsipal ta un bosnio i su esposa hulandes ku probalemente ta envolví den trafikashon grandi di kokaina. Alrededor di 9:00 tabatin entradanan na 28 adres den Oropa. Segun BN/De Stem a inspekshoná 8 edifisio ampliamente den West-Brabant, di kua 6 den Breda. Tabatin 135 funshonario ku a ehekutá den e entradanan. Den un dje edifisionan a haña e galeria di arte di Puro Arte na Haagdijk. E kuadronan na muraya polis a laga pasobra nan no tabata bal masha. Banda di outonan karu a konfiská tambe jetski, dos motosikleta i otro materialnan. Segun polis e intenshon ta pa buska e kapital i fris esaki i buska mas prueba pa labamentu di plaka.