Pèrdiendo ayera 12 pa 3 kontra Venezuela Junior League a keda eliminá na Mexico

38
E foto aki tin su nifikashon i no ta un foto pa loko, hopi lo no sa, pero aki ta trata di dos di e koredónan di mas velos kada unu den su époka. Ora bo tende Karel “Cai Cai” Williams ta bai di robo, no tin tiru mes i Sherton “Sato’ Saturnino tabata un di e koredónan di mas velos den organisashon di Atlanta .

Willemstad,–  E selekshon di Junior League di Kòrsou tabatin un wega ayera di bida o morto, kaminda nos muchanan tabata obligá di gana pa nos a keda ku e speransa di pasa pa semi final.

Kosnan no a bai bon i nos muchanan ta kai vensí ku skor abultá di 12 pa 3 i asina pues keda eliminá ku rèkòrt di 1 gana i 4 pèrdí.

E muchanan a pèrdè 13 pa 3 den nan promé wega ku tabata kontra Panama, despues nos ta sufri otro derotá kontra Mexico 1 ku e skor di 9 pa 6. Nos úniko viktoria tabata kontra di Mexico 2 kaminda nos a nòkout e ekipo aki ku e skor di 13 pa 3 i nos ta bin pèrdè den último inen kontra Aruba ku skor di 11 pa 6.

Ayera pues nos tabata obligá na gana pa wak si ainda nos por logra e di kuater puesto, pero nos ta pèrdè pues kontra Venezuela ku skor di 12 pa 3.

Mester bisa ku e selekshon tabatin bon chèns tantu kontra Aruba komo kontra di Mexico 1, pero e fildeo i picheo a laga nos na kaya. E muchanan lo ta bèk na Kòrsou djadumingu.