Tin un indio ku a pasá Messi komo máksimo goliadó  internashonal

95
Fot suli: Sunil Chhetri ta e indio ku ta riba Lionel Messi pa loke ta gol anotá internashonalmente. Djasabra e mester hunga ku su pais kontra di Nort Korea. Ku un gol e lo drenta den e Tòp 10 di gol anotá den historia.

BARCELONA,  – Nos ta kustumbrá  ku Leo Messi i Cristiano Ronaldo ta kompetí i repartí gran mayoria  di trofeonan individual ku tin den futbòl na mundu.

Pero un tal  Sunil Chhetri a outo invitá su mes den e “race” pa asina kompetí pa loke ta máksimo goliadó internashonal, superando asina e  argentino pa dos gol di diferensia, porsierto ku e la anotá den partido kontra di  Tayikistán.

Cristiano ta lidera e tabla di goliadónan aktivo ku  selekshon  superando Leo Messi  ku 20 gol di diferensia di kende tin un total di 68.

Tabla di goliadó internashonal aktivo

  1. Cristiano Ronaldo (88)
  2. Sunil Chhetri (70)
  3. Leo Messi (68)
  4. David Villa (59)
  5. Luis Suárez (58)

E delantero d 34 aña tin solamente dilanti di dje e hungadó di Juventus di Turín, di kua ta suma un total di 88 gol ku e selekshon di Portugal.

Ademas di esaki si djasabra próksimo  si e skor den un partido amistoso entre su pais i Nort Korea lo e por drenta den e 10 nan den historia di goliadónan internashonal,  na unda solamente ta aktivo aktualmente  Ronaldo (superá únikamente pa e iraní Ali Daei ku tin 109 gol).