75 porshento di aksidente ku morto e víktima òf esun ku a kous’é tabata bebé

215
Fiskal ku tabata na palabra den e kaso.
WILLEMSTAD,—- Mr. Out kende ta e fiskal enkargá ku e kasonan di tráfiko a bisa ku gran parti di e aksidente nan ku morto, ta pa motibu di alkohòl i ta pa esaki ta trahando duru pa para esaki.

Mr. Out den su rekisitorio di un kaso unda un shofùr lo mester a bai aksidentá den un palu di lus, a bisa ku ta vários kaso di aksidente aki na Kòrsou, ta pa motibu ku shofùrnan a bebe i despues bai manehá nan vehíkulo. E fiskal a bisa ku aki na Kòrsou tin un promedio di 18 morto den tráfiko pa aña i ku 75 porshento di e mortonan a keda kousá pa un hende ku a bebe òf e víktima mes tabata bebé.

Ministerio Públiko a trese dilanti ku ya pa 2 luna nan ta trahando duru pa evitá ku shofùrnan ta kore riba nos pais bou di influensia i ta hasiendo kòntròlnan pa ku esaki. Segun e fiskal ku e no ta protehá solamente e shofùrnan ku ta kore bou di influensia so pero e otro persona nan tambe ku ta forma parti di nos tráfiko.

Tambe el a trese dilanti ku tin un kantidat di alkohòl ku un persona tin den su sistema, ta pone ku e no por kore outo mas. Segun mr. Out preferibel no bebe ora ta stür i no stür na momentu ku bo kaba di bebe.