Dama yu di Kòrsou asesiná na Hulanda dor di su eks

Ya den pasado e sospechoso a asesiná hende

589
Polis a sera e aria unda e asesinato a tuma lugá na Kerkrade pa asina por a hasi e demas investigashon.
Willemstad— Djarason den oranan di mèrdia un kaso sumamente lamentabel a tuma lugá na Hulanda pa ta mas eksakto na Kerkrade ora un dama a keda asesiná dor di su eks hasiendo uso di un kuchú.
Momento ku e tim di aresto a logra di detené e sospechoso di fam Hodge.

Ayera den oranan di atardi pa ta mas eksakto 13.00 or a dirigí Polis i tambe trouma tim ku ta konsistí di dòkter i tambe personal di ambulans Erensteinstraat na Kerkrade pa un dama na suela  den un plas basta grandi di sanger. E tim di reskate ku a presentá na e sitio no por a hasi masha pa e víktima ya ku e tabatin kòrta basta kruel na su garganta i tambe tabatin hinka na e parti ariba di su kurpa. Na e sitio tabatin vários testigu ku a tuma nota di e suseso. For di habitante di e aria unda e víktima tabata biba por a komprondé ku e víktima na bida yama Reagan Perez  di 41 aña, tabata wòrdu inmensamente menasa pa e sospechoso ku ayera a asesin’é. Debí na e menasa nan e víktima kasi no tabata sali mes for di su kas. Segun e testigunan sigur e último dos luna nan promé ku e suseso lamentabel e víktima kasi no tabata sali mes for di su kas debí ku e tabatin miedu di e sospechoso i asta tabata teme pa su bida. E testigunan tabata bisa ku tabata mira e víktima solamente na momento ku e tabata sinta den bentana ta papia na telefon.

E testigunan a sigui relatá ku e víktima tabata asina spanta te ku e la buska yudansa serka algun konosí i amigu pa nan por protehé i tambe tira bista riba su kas. Tabata e konosí nan aki ku tabata bai hasi kompras pa e víktima debí ku e tabata mira e sospechoso vários bes den serkania di e supermerkado Albert Hein ku ta keda den e bario mes. E último dos siman nan tabata mira e víktima sali for di su kas den kompania di su amigunan. E mes a konta ku su eks amigu mester a haña prohibishon pa por yega serka di su kas i tambe serka di dje. Pero ounke e desishon aki tuma dor di un wes e tabata kier a kambia di adrès pa bai biba den un otro bario. E la splika ku hamas e por ta trankil ku su eks den su serkania. E sospechoso di fam Hodge no solamente a menasa e dama pero asta su famianan. Un dama testigu a deskribí e horibel suseso despues ku esaki a tuma lugá. E dama a splika ku e tabata den kushina na momento ku e la tende gritunan basta fuerte di un persona ku tabata gritando pa yudansa. Ora e la sali kore bai pafó e la bin haña un hòmber riba un dama ku tabata na suela. Ora e la tuma nota ku e la wòrdu deskubrí e la lanta kore bai i tabata wòrdu pèrsigui pa dos otro persona ku tambe a mira kiko a kaba di tuma lugá.

E dama víktima tabatin kòrta na su garganta i tabata na suela nèt dilanti di e porta di  su pida kura na e parti patras di su kas. Debí na e heridanan ku e víktima a sufri e no a sobreviví esaki i a bin fayesé na e sitio mes. Tabata alrededor di 4 or di atardi ku polis a logra di detené e sospechoso di fam Hodge. Na su detenshon e tabatin un herida pa kual mester a bai buska yudansa médiko. segun outoridatnan e herida aki no tabata prosedente di niun tiru for di arma polisial manera tabata ser bisa.  Tambe mas despues a bin tuma nota ku e sospechoso aki delantá a destruí e kámara nan ku tabatin instalá na e kas di e víktima pa asina e por a yega serka sin ku e víktima por a mir’é. Esta ku e kaso di asesinato aki por wòrdu denominá komo unu premedita.

Sospechoso mes tabata sera pa un kaso di asesinato na unda wes a konden’é na TBS. Tabata netamente e dama aki mes ku e la asesiná tabata yudando e via di reklasering pa asina e por a haña libertat pa por hiba un bida normal pero despues kosnan a bin kambia ora ku e la kuminsá bira basta agresivo kontra di e dama mes. E kaso di ta den investigashon. Di parti di Vigilante ta bai palabranan di kondolensia na famia di e defuntu ku pèrdida di nan ser kerí.