Hòmber a rabia basha bala pasó a yam’é homoseksual

589
Sospechoso tabata basta rabiá.
WILLEMSTAD,— E kaso di tiroteo ku a tuma lugá na Boka Samí a hala hopi atenshon den korte, despues ku e hòmber Constancia lo a rabia i los vários tiru na e sitio.

Ta trata aki di un kaso ku a tuma lugá den luna di novèmber aña pasá unda e sospechoso a rabia basha bala, despues ku e ta bisa ku lo a insult’é. Loke sigur a hala atenshon ta e echo ku ta despues di un diskushon ku e hòmber aki lo a bai kue su arma den outo i kuminsá basha bala. El a bisa ku e no a keda kontentu ku e manera kon a insult’é.

Tabata un kaso basta serio unda vários persona a hera di pèrdè nan bida, despues ku un di e víktima nan lo a  yama e sospechoso homoseksual. Esaki sigur a hala atenshon den e kaso mirando ku pa motibu di un palabra, vários persona mester a kore pa nan bida riba e dia en kuestion.