Hòmber ta bin fayese despues di a bòltu ku boto

288
Willemstad—  Polis mester a bai den aria di Janthiel pa un hòmber ku a ser haña riba lama i a trese esaki tera.

Un hòmber ku tabata disfrutá di laman den aria di Janthiel riba su seadoo a tuma nota di un boto di bòltu. E hòmber riba e seadoo a logra di hala e boto bai hiba esaki na kantu i a mare miéntras a pone warda kosta di esaki na altura. Ora ku e hòmber riba seadoo a bolbe subi laman e la bin topa ku un kurpa di un hòmber basta korpulento ta drif riba laman. Mesora e la transportá e hòmber aki pa tera i por a komprondé ku na yegada di kosta na altura di Janthiel e hòmber a bin sak den otro debí na e kantidat di awa ku e la guli. Mesora a pidi presensia di ambulans ku a yega i a kuminsá saminá e víktima pa despues a reanim’é sin e resultado deseá. Tambe a presentá e helikòpter di warda kosta pa asina por a transportá e hòmber bai kuné debí ku  e tabata basta pisa. A bin resultá ku e víktima tabata den e boto pero esaki a bin bòltu kuné pone ku e la guli basta awa i a fayesé. Pas na su restunan.