Intento asesinato na Vanddis  sin solushon

479
Ainda e kaso ta sin solushon.
WILLEMSTAD,— 2 hòmber despues di tabata detené den un kaso intento asesinato na Vanddis aki na Kòrsou, a keda lagá den libertat despues ku mester a realisá un tèst di DNA pero esaki no a tuma lugá.

For di aña pasá a laga e sospechoso nan liber den e kaso, unda tabata pendiente pa resultado di tèst DNA, despues ku gobièrnu tabatin debe habrí na NFI. Tabata despues di esaki ku gobièrnu lo a paga e debe ku tabatin atrasá miéntras a sigui traha rapòrt nan pa kaso nan di Kòrsou. Ministerio Públiko a pidi pa hasi tèst pa asina trata na proba ku e 2 sospechosonan lo a kometé a kaso di intento asesinato ku un kran, pa kue plaka for di e negoshi.

Tabata 31 di desèmber 2017 ku e sospechosonan mester a laga yama un kran pa un outo ku no tabata kore. Na e okashon aki e shofùr di e kran a indiká ku a laga un dama yama nan unda mesora el a sali pa duna asistensia na kliente.

Na momentu ku e kran a presentá ku a saka arma den direkshon di e shofùr unda a bai ku esaki for di e sitio. Segun e shofùr ku e sospechosonan a hui den un Ford Figo blanku, unda esaki no tabata e outo ku mester a duna asistensia na dje. Despues di a kita e kran e dos hòmbernan menshoná lo mester a bai na Vanddis den aria di Fuik, unda na e okashon aki nan a bai pa kometé un atrako mas.

E sospechosonan mester a basha muraya di e negoshi abou, unda a hasi esaki kaminda e kahera ta sinta pa kobra. E dama kende tabata tei dia e kaso a keda presentá pro forma, unda e tabatin su deklarashon pa ku e suseso. E dama a deklará na prensa ku tabata nèt ora e la lanta for di su stul, ku e sospechosonan a presentá pa kometé e echo aki. El a bisa ku tabata algun ratu despues di 5or di mainta ku e sospechosonan a presentá na e pòmp di gasolin.

E víktima kende a splika ku e no por a traha mas trankil despues di e suseso, a bisa ku e tabata haña tratamentu di sikólogo, unda tambe el a bisa ku el a asta bira malu despues ku el a bai traha bèk pa miedu ku el a keda kuné. Segun e dama ku tabata traha na e pòmp di gasolin, ku e echo ku e la lanta for di su stul pa bai baño 31 di desèmber di aña 2017 a skapa su bida.

El a bisa ku e sistema kon tur kos a bai, unda el a bisa ku e negoshi a keda tur destruí. Pa loke ta trata e víktima ku tabata kore e kran, a deklará ku ora el a yega a saka arma, unda a teip su boka i tambe su wowonan. Tur esaki despues ku el a koperá i drumi abou ora e hòmbernan a menas’é.

E kaso aki a hala hopi atenshon despues ku Ministerio Públiko no por a evitá ku e sospechosonan lo bai kas. Ministerio Públiko a pidi pa rapòrt di NFI pero mirando ku no por a haña e rapòrt i e sospechosonan tabatin 12 luna será pa e kaso. Tabata na inisio di e kaso ku Ministerio Públiko a trese dilanti ku nan lo no bai kontra di e petishon di e abogadonan pa laga e sospechosonan bai kas, mirando ku e resultado di e rapòrt mester a yega Kòrsou pero e no a yega pa motibu di pago.

Te awe 7 luna despues ku e sospechosonan a bai kas   no a tende nada di e investigashon, despues ku e sospechosonan a ninga di sa algu di e kaso.