Polisnan a gaña akusado pa but’é deklará

3615
Polis a logra buta Rosa deklará.
WILLEMSTAD,— E kaso asesinato na Rooi Santu a hala hopi atenshon ta unda polisnan a logra gaña e hòmber Jonathan Rosa, pa asina poné deklará den e kaso asesinato unda e víktima chines a bin pèrdè su bida a konsekuensia di tiru ku el a risibí.

Ta trata aki di Jonathan Rosa di 29 aña ku ya mester a keda detené na un okashon pa e kaso aki, unda despues ku el a keda butá den libertat. Den e kaso aki mester a kita bida di un chines na Rooi Santu den su kurá. Despues ku a bin studia grabashon di e asesinato a bin saka afó ku ta Rosa mes ta tras di e asesinato aki, huntu ku algun otro tipo mas.

Esaki despues ku kier a tira atrako riba e víktima ku a bin pèrdè su bida dilanti su famia, despues ku den grabashon polis a mira kon tur kos a bai. Tur esaki despues ku e atrakadónan mester a sorprendé e pareha na momentu ku nan a yega kas unda mester a fòrsa porta di kurá, kual despues a drenta bou di menasa ku arma di kandela unda a ataká e dama primeramente.

Tabata 5 di Òktober di aña 2017 ku por a mira kon 2 di e atrakadornan mester tabata agredí e dama víktima, miéntras un di 3 atrakadó mester tabata trata na bai den direkshon di e di 2 víktima den e kaso kende ta e hòmber ku a bin pèrdè su bida. Tabata despues di esaki ku por a mira kon un di e atrakadónan mester a los tiru riba e víktima, ku a sak den otro den serkania di su outo despues di a kaba di baha for di esaki.

Despues di esaki a bin haña un kurpa bentá pafó di e kura di e víktima, kual na e okashon aki a bin konstatá ku un di e atrakadó nan. A bin haña e atrakador ku no tabata duna señal di bida ku kapuchon bistí. E hòmber Rosa a konta ku defensa di su abogado mr. Loth den e kaso aki, unda el a bisa ku no ta su kliente ta tras di e asesinato.

E abogado a trese dilanti ku esun ku a tira tabatin pia O, unda el a bisa ku por mira tambe ku su e atrakadó su karson tabata abou, esta ku e mester a habri su pia pa esaki no kai. Segun e abogado esaki ta e manera kon hóbennan ta bisti karson awendia unda bo ta pia ta keda mesun kos ku un persona ku tin pia O. E abogado a trese esaki dilanti mirando ku su kliente tin pia O i ta para ariba ku mester tin sufisiente prueba pa akus’é.

Loke sigur a hala atenshon den e kaso ta e echo ku e polisnan a logra gaña e hòmber Rosa, pa e deklará i atmití ku e ta esun ku a kometé a atrako i asesinato. Segun e akusado Rosa ku e polisnan lo a gañ’é pa asina e por deklará i sera su mes. Segun su deklarashon ku e polisnan lo a bisé ku si e atmití lo yud’é rekobrá su libertat i tambe wak su yu. El a bisa durante su kaso ta pa e motibu aki e la disidí ku e ta bai atmití, ounke e no a kometé e echo. El a keda kastigá pa e kaso, unda el a para ariba di no tabata sa nada i pero tòg a atmití ku e tabata tei 5 di òktober na e sitio.