Grupo sospechá di atrako i tambe intento pa kibra bankomátiko arestá

803
Kas na Seru Loraweg unda e grupo ta wòrdu sospecha di a kometé atrako arma.
Willemstad—– Ayera un tim forma pa un kantidat di reshèrshi a bai den e bario di Koraal Specht na unda a drenta kuater kas i a realisá sinku detenshon pa dos diferente kaso.

 

Kontinuando ku e investigashon relashoná ku entre otro atrako na Seru Loraweg i intento di ladronisia na Jan Thiel polis a tene diferente entrada hudisial. Ta trata di dos kaso separá.

Seru di Loraweg
Esun di Seru di Loraweg ta unda un grupo di persona a logra di drenta un kas di un famia komersiante i bou di menasa i arma di kandela a logra d bai ku un kaha fuerte ku tabata kontené plaka lokal i tambe dòler. Pa por a bai ku e kaha fuerte aki a kue un vèn ku tabata stashoná den e kura mes  i a hinka e kaha fuerte den dje. Mas den transkurso di dia Polis a bin haña e vèn bandoná  patras di e  stadion di SUBT na Kintjan.

Janthiel
Tabata den oranan di mardugá ku algun suheto den un SUV kolo blanku ku despues a bin realisá ku ta un vehíkulo ku a ser hòrta den e bario di Emmastad a kore yega na e establesimentu di Van Der Tweel na Janthiel. Einan hasiendo uso di e vehíkulo aki a destruí parti di e negoshi pa asina por a pasa bai paden pa asina por a yega na e bankomátiko pero sin e resultado deseá. E personal di seguridat ku ta vigilá e aria di Janthiel ku a tuma nota di loke tabata pasando a sali tras di e SUV kolo blanku i a kuminsá ku un persiguishon. Riba e kaminda pa bai Fuik esnan ku tabata den e SUV blanku mester a kuminsá basha bala riba e personal di seguridat kual a pone ku nan a para e persiguishon. Mas despues a bin haña e vehíkulo bandoná na Fuik ku a keda konfiská.  Enkonekshon ku e dos susesonan aki ayera a realisá kuater entrada hudisial.

Seguidamente a bai na un kas den Tumbastraat.

Djabièrnè 12 di yüli 2019, entre 05.00’or pa 05.30’or di mainta, personal di Tim di Atrako konhuntamente ku Tim di Aresto i Tim di Mantenshon di Òrden Públiko a tene entrada hudisial den kas na:
Kaya Stila;
Kaya Tati;
Kaya Dori, i Tumba straat.

Durante di investigashon na e adrèsnan ariba menshoná polis a detené e hòmbernan sospechoso:
T.L.M. nasé na Kòrsou di 23 aña di edat;
R.N.F.Z. nasé na Kòrsou di 34 aña di edat;
J.R.P. nasé na Haiti di 26 aña di edat;
R.B. nasé na Guyana di 31 aña di edat, i tambe un dama, R.S. nasé na Sürnam di 32 aña di edat.

Kaya Tati tambe a haña bishita di polis.

Tambe polis a haña i konfiská dos pistol, unu na e kas den Kaya Stila i e otro na Tumbastraat.

A presentá tur e sospechosonan dilanti un Fiskal Ouksiliar ku a ordená nan enkarselamentu pendiente di mas investigashon.

A bai tambe na kas den Kaya Dori.