Outomobilista sentensiá na 8 aña pa konflikto tráfiko fatal

73
Johnny O (52) a haña 8 aña kastigu
AMSTERDAM—Johnny O (52) a haña 8 aña kastigu relashoná ku un konflikto den tráfiko ku a resultá fatal pa dos motosiklista.

E outomobilista di Krommenie ta kulpabel di homisidio. Ademas e no mag kore outo pa 4 aña. Asina hues a determiná ayera den korte di Amsterdam.OM tambe a pidi 8 aña. No ta usual ku personanan ta keda persigui pa insidentenan di trafiko fatal. Hues a bisa ku O a reakshoná emoshonalmente i tur kos a sali for di man. Parse ku a korta e outomobilista riba kaminda loke a pone rabia i manda outo riba e motosiklistanan, loke a resultá fatal. Hues tambe ta konvensí ku no tabata intenshonal pero e insidente a kosta dos bida.