Riechedly Bazoer lo ta ku Vitesse den ‘Eredivisie’

238
Riechedly Bazoer.
HULANDA—E futbolista Riechedly Bazoer lo sigui su karera den ‘Eredivisie’ di futbòl na Hulanda. Un ke otro ku e ekipo di Vitesse,

Esaki despues ku ya e lo a yega na un akuerdo verbal ku dirigentenan di e ekipo. Ta trata aki di un akuerdo pa 3 temporada, ku lo bira ofisial den kurso di e dia di awe djabièrnè, na momentu ku pone tur kos pretu riba blanku. Miéntras ku tambe e futbolista lo mester hasi un tèst médiko. Ora esakinan tur ta tras di lomba, lo bai presentá e futbolista den stadion Gelredome, ku ta stadion di e ekipo di Arnhem.

 

Tabata den kurso di ayera den oranan di atardi na Hulanda,ku e informashon aki a bira konosí i mesora a kuminsá plama.

Pues tur kos ta indiká ku pronto, Riechedly Bazoer di 22 aña di edat, kende ta un mediokampista kontroladó, lo hasi un kambio, for di e ekipo aleman VfL Wolfsburg, ku ya temporada tras di lomba, a hür e ku FC Utrecht, ku tambe ta parti di Eredivisie di futbòl na Hulanda.

 

Bazoer, kende tambe tabata parti di Ajax den pasado, lo bai ta den akshon na Hulanda, segun su propio deseo, unda dirigentenan aleman a koperá pa ku e traspaso. Tabata na desèmber di aña 2016, ku Riechedly, a hasi e kambio i pasa for di Ajax, pa VfL Wolfsburg, ku a kosta 12 mion Euro.

 

Tambe tabatin interes for di entre otro Spaña, Alemania, Italia i Inglatera, pa Bazoer.