Rutte mester atende e kaos na Belastingdienst

167
solushon urgente pa problemanan servisio Impuesto
DEN HAAG—Premier Rutte mester atende personalmente ku e kaos ku tin na servisio di belasting, segun parlamentario Omtzigt (CDA).

E parlamentario su kana a yena despues di dos aña ku el a alertá riba kanselashon ilegal di kompensashonnan na siudadanonan. Belastingdienst a komete fayonan 130 biah i ningun hende no ta fluit nan bèk segun Omtzigt. Ku hustamente servisio di belasting komo servisio di gobièrnu no ta kumpli ku lei, ta algu inkomprendibel i malu pa reputashon di polítika. Segun Omtzigt sekretario estado Snel konsientemente no ta duna tur informashon na parlamento.no ta tumando medida kontra empleadonan públiko ku a viola lei. Siudaanonan ku tin algun luna ta warda daño perhuisio no ta haña yudansa nesesario. E mandatario respnsabel no ta duna kontestanan na Tweede Kamer. A bira tempu pa gabinete tuma akshon i realisá kon importante bon funshonamentu di un servisio ta pa un estado di derecho. Snel a bisa resientemente ku e problemanan ku kompensashonnan ta mas grandi ku a premira. Prensa Trouw i RTL tabatin pruebanan ku servisio di impuesto a para kompensashon di algun shen mayor inhustamente. E mandatario ta rekonosé e problemanan den debate. Si investigashonnan no yuda, Omtzigt no ta eskluí un enkuesta parlamentario. E problemanan ta asina serio ku mester di intervenshon di premier Rutte, segun e parlamentario.