Viuda sentensiá na 20 aña pa asesinato esposo

118
posiblemente viuda a mata Seggeren pa seguro di 600.000 euro
LEEUWARDEN—Un viuda di 35 aña a keda sentensiá den korte di Leeuwarden djaweps pa asesinato di su esposo.

E dama di Kollumerzwaag ta keda sospechá di a mata su esposo Tjeerd van Seggeren (37) dia 9 yüli 2017 na Westereen. Outopsia di lei a indiká ku Van Seggeren tabatin heridanan na su kabes i kurpa. E anochi promé ku e asesinato el a traha na un festival di musika Freeze Forze na Westereen. Despues ku el a bandona e tereno di festival, a pèrdè tur pista di dje. Un peaton a haña su kurpa despues den un mondi. Korte a duna e dama un kastigu di 20 aña, igual na e demanda di Ministerio Públiko. A detené un di dos sospechoso den e kaso. Korte ta kere ku apesar di otro indikashonnan e dama a aktua su só. Morto ku komplise no a keda probá. Fiskal ta kere ku e mama i tio di e viuda sospechoso tambe tabata envolví. E motibu tabata segun korte plaka pasobra e hòmber tabatin un seguro di bida di 600.000 euro. E viuda ta bai den apelashon.