Kantidat di kaha fuerte kibra i dokumentonan personal benta na Piskadera

Entre nan asta pasport di eks gezaghebber

2074
Willemstad—Polis mester a bai den aria di Piskadera unda a bin topa un kantidat di kaha fuerte ku a ser kibra pa asina por a saka e kontenido.

Djasabra polis a haña e informashon ku den e pida mondi na Piskadera mester tin vários kaha fuerte kibra i tambe un kantidat di dokumentonan personal di sigur e víktima nan ku a ser hòrta. Polis a bai na e sitio i enbèrdat a bin topa ku e kaha fuerte nan kibra i tambe vários pasport i tambe otro artíkulonan personal. A bin tuma nota ku ladronnan tabata kibra e kaha fuerte nan pa despues bai benta esakinan na e sitio despues di a logra di saka e kontenido. A keda di pasa sera e víktima nan pa asina por a duna nan tur loke ku ta di nan ku a ser haña na e sitio i tambe pa kontinuá ku e investigashon.