For di aña nan 80 Kòrsou tabata den un situashon manera esun aktual

565
De Boer ku ta direktor di CBS tambe a hiba palabra
WILLEMSTAD,— CBS a hasi un investigashon di nos situashon ekonómiko, unda a bin nota ku ta basta aña pasá nos situashon tabata manera e ta aktualmente.

Maurette Antersijn i Glenda Varlack a presentá ayera huntu ku nan direktor Sean de Boer splika e sifra nan di nos situashon ekonómiko, unda tambe a hasi un komparashon ku aña nan atras. A bin saka afó ku ta for di aña nan 80 nos pais tabata den un situashon manera e ta aktualmente.

Tin ku añadí e sifra nan di aña nan 80 tabata pió esta 24 porshento di desempleo. Tabata na aña 1981 ku nos pais tabata den un situashon kasi mesun kos manera esun aktual. Durante rueda prensa a trese dilanti ku riba nos pais no tin e sistema di Hulanda, esta ku tur kos ku bo mester hasi bo mester ta registrá.

A bin dilanti ku na Hulanda no por tin hopi ilegal manera Kòrsou i ku ei nan si por kontrolá e sifra nan mas fásil. Tambe a trese dilanti ku na Hulanda e persona nan ta obligá na registrá nan mes ora nan ta buska trabou. Loke tambe a hala atenshon ta e echo ku CBS a bisa ku a yega na un areglo ku SOAW i ku pa via nan lo trata na yega mas serka di e sifra nan ku en realidat nos pais tin di desempleo.

CBS durante nan konferensia di prensa pa loke ta trata sifra nan di gobièrnu tambe a baha, unda a trese dilanti ku esaki a baha ku 0.4 porshento. Pa loke ta trata servisionan,kas i partikular no tabatin un subida segun CBS. E representante nan di CBS a trese dilanti ku e sektor servisionan, kas i partikular a baha ku 9.9 %.

Mas aleu a trese dilanti ku salubridat si a subi i ku 0.7 porshento. Segun CBS ku e situashon di Kòrsou ta unu hopi serio i ku den luna di sèptèmber próksimo lo bolbe hasi un enkuesta, unda na e okashon aki lo bai hasi un investigashon pa wak ta kiko te motibu ku desempleo ta sigui subi.