Detenidonan ta akusá Bon Futuro di ta manipulá ku lista di kantina

997
Tei: mayoria produkto ku e prezunan a súplika ta den rèki pero tòg ta bisa nan kontrali.
Koralspecht—Prezunan detené na Bon Futuro ta mal kontentu ku maneho di e instituto. Ta trata reklamo riba e lista di kantina i nan ta sospecha ku gerensha òf esnan enkargá ku e lista ta manipulando ku e produktonan

Na promé lugá e prezunan ta sospecha ku prizon ta gana kada biaha ku no tin e produktonan den supermerkado pero despues ku nan manda hende bai chek, e produktonan ku nan pone riba lista pa bini blòk tei debidamente den e supermerkadonan. Mas aleu, tambe nan ta reklamando ku hopi biaha tin produktonan kaduká òf ku nan fecha ta kasi pa kaduká, lokual ta duna impreshon ku esnan kende ta kumprando e produktonan ta permití e supermerkadonan di manda produkto kasi kaduká pa e prezunan. Esaki ta un sistema fásil pa deshasí di nan produktonan ya ku nan ta pensa ku e prezunan no tin opshon.  Ademas nan ta bisando ku e lista ku nan ta haña pa yena, ta produktonan malu pa nan salú. Entretantu mayoria blòk a manda e lista bek pa gerensha i eksihí pa adaptá esaki konforme nan petishon.