Kampionnan di Senior League kla pa sali pa mundial

364
Willemstad,– E kampionnan di Karibe den Senior League lo sali mañan mainta pa South Carolina Easley pa asina partisipá den e kampionato mundial ku ta kuminsá djasabra 27 di yüli i kaminda ku nos muchanan su promé wega lo ta e mesun djasabra pa 1’or di mèrdia kontra e kampion di Oropa
Kaelen Kinburn ta outfielder pero tambe e ta fungi komo picher.

Dado kaso nos gana, kual tambe ta ser sperá, e ekipo lo bolbe hunga siguiente dia, esta djadumingu mainta 10’or kontra e kampion di Asia pasífiko.Pues e muchanan lo tin un skema basta bisa i mirando ku ta un kampionato kaminda si bo pèrdè dos wega bo ta afó, nan lo mester Sali gana e dos promé weganan pa keda den e pul di ganadó.

Tin dos kambio den e selekshon kompará ku esun ku a bira kampion na Puerto Rico, mirando ku Donovan Antonia i tambe Jamal Zalm ámbos a firma komo profeshonal i no por biaha ku e selekshon. Na nan lugá a drenta selekshon i lo ta den mundial Jeadon Carrega i Kaelen Kinburn ámbos ta outfielder i Kinburn ta fungi tambe komo picher.