NOS TA SINTA WAK KEN TA FIRM’É

305
Dia ku gobièrnu di Kòrsou firma e akuerdo ku Port of Rotterdam pa kompra di 20% akshon den haf di Kòrsou via CPA, nos pais a bira un isla narkotráfiko.

E ta mustra alabes kon leu nos gobernantenan ta dispuesto na bai pa eksigenshanan di Ulanda. Alkalde di Rotterdam, Ahmed Aboutaleb  e aña aki lo biaha pa Colombia pa trata na restringí entrada di por lo ménos 40 mil kilo di kokaina kolombiano tur aña via di Rotterdam. E alkalde a atmití públikamente ku nan mes no tin niun klase di kòntròl riba siguridat di e haf. Videonan grabá den man di hustisia ulandes ta mustra kon organisashonnan narkotráfiko ta drenta ku loader sali ku kònteiner sin ningun klase di kòntròl. Pa 2020, Port of Rotterdam lo tin 20% den akshonnan di CPA, e kompania di gobièrnu ku ta doño di haf di Kòrsou. Esaki ta nifiká ku Kòrsou ta bira sosio ku un organisashon internashonalmente rekonosé di ta partísipe den transbordo narkotráfiko pa kontinente oropeo. Por lo ménos un kuart di tur kokaina ku drenta Oropa ta bai via di haf na Rotterdam. Di otro banda ta lógiko ku Rotterdam te úniko opshon di un aliansa stratégiko despues ku Knops a pone den su eksigenshanan ku “Kòrsou mester bende”. Lokual Knops no a kaba di spesifiká ta nan intenshon tras dje akuerdonan. Awor ku aprobashon di gobièrnu ulandes nos haf tin mag di manda kokaina Ulanda. Pa tal motibu nos lo sinta wak ken i dia tei firma e akuerdonan entre CPA i Port fo Rotterdam. Un dia istóriko i pretu pa kombatimentu di krímen na Kòrsou.