Di dos tiroteo riba mesun joyeria Utrecht

307
dos tiroteo riba joyeria Nawar
UTRECHT—Doñonan di joyeria Nawar den Amsterdamsestraat na Utrecht a bin haña markanan di bala den bentana di nan negoshi.

Polisnan alarmá a yega na e sitio djárason marduga pa tuma nota di otro atake riba e joyeria. Ta di dos tiroteo den un siman riba mesun un joyeria den Amsterdamsestraat na Utrecht. Deskonosínan a bolbe lòs bala riba e negoshi. Nan a yama polis ku a start un investigashon mésora. Reshèrshi ta hasi yamada riba testigunan pa mèldu. Na diferente parti di e edifisio tabatin perforashonnan di bala visibel. Den vitrina a haña un patronchi. Den fin di siman tambe tabatin tiroteo riba un joyeria den mesun hanchi. Polis a konkluí ku entre djasabra anochi pa djaluna mèrdia lo tabatin e tiroteo riba e negoshi. Nan a sera nan negoshi djasabra 18:30 i djaluna a bin haña perforashonnan di bala, meskos a sosodé ayera.