Jet Air tei hunga ròl den turismo na Kòrsou

844
Hunta di maneho di CTB, Hugo Clarinda Paul Pennicook na mesa ku ekspertonan Christine Campagnard (Inteligensha Komersial) i Rebecca Marvel (Merkadeo)
Punda—Jet Air, aéreoliña lokal tin atenshon di CTB. Esaki ta lokual a bini ayera dilanti un rueda di prensa ku e organisashon a tene. Jet Air, huntu ku Wingo Airway i Caribbean Airlines lo bira hungadónan klave riba desaroyo di turismo “nobo” pa Kòrsou.

Tur tres kompania lo tei oumentá e kapasidat di asiento riba ruta di Kòrsou. Wingo pa 2019 lo oumentá e kapasidat ku 2272 asiento/stul miéntras Caribbean ta oumentá esaki ku 2400. Pa lokual ta trata Jet Air, esei ta deskonosí ainda. Ayera CTB a duna di konosé ku nan a papia ku e kompania kual ta wardando riba nan pèrmit pa kuminsá “fly”. Entretantu e kompania a anunsiá tambe un di dos avion pa yega Hato i drenta operashon. No mester ekskluí e posibilidat ku Jet Air, mirando e gerensia su tras por bira e tenedó di karta na Hato, despues ku Insel Air a laga pasionan hanchu habrí pa kresementunan inkremental.