Kas di vakashon gratis pa atrae dòkternan pa Zeeland

140
Zeeland mester 116 dòkter di kas
ZEELAND—Dòkternan di kas ku bai traha den vakashon di yüli i ougustus den Zeeland por haña un kas di vakashon gratis p’e i su famia.

Zeeland ta konfrontá skarsedat grandi di dòkternan di kas i den tempu di vakashon e problema ta mas grandi pasobra esnan ku tin kier bai ku vakashon i no ta haña remplasante. Ademas tin hopi turista den e area, pues e ta bira mas druk pa dokternan. Asosashon di dokternan Zeeland a pensa un akshon pa atrae dokternan di kas pa nan provinsia den zomer. Pero e intenshon ta tambe pa atrae dokternan nobo i hóben pa tempu largu. E skarsedat ta struktural. 30% di dokternan di kas na Zeeland tin 60 aña òf mas. Den e siguiente 5 aña nan lo baha ku penshun, ku ta 58 dokter. Pasobra e trabou no ta 60 ora pa siman mas, mester di 116 dokter di kas pa Zeeland.