23 herido registrá despues di e último protesta na Hong Kong

232
Protestanan ku a keda registrá den fin di siman tras di lomba na Hong Kong.

HONG KONG – Un total di 23 persona a resultá heridá, dos di nan di gravedat, i otro 11 mas a resultá detené durante manifestashonnan di djasabra último na Hong Kong. Esaki nan a tuma lugá aunke ku outoridatnan a prohibí.

E konteo di heridonan no a keda ofresé na medionan di komunikashon, pa motibu ku outoridatnan hospitalario di Hong Kong no a publiká informashonnan relashoná ku esaki.

E konfrontashonnan ku gruponan di manifestante, a pone ku e agentenan antidisturbio mester a hasi uso di gas, granada di spòns, munishon no letal i bala di goma, pa asina intentá kontrolá e personanan.

E direktor di e organisashon di Hong Kong, Man-kei Tam, a añadí ku si outoridatnan tin di defendé nan mes, i pa e motibu aki a haña nan na vários okashon ta bai for di e sitio òf ataká sivilnan na stashonnan di metro.

Tur e 11 personanan detené den e kaso aki ta hende hòmber di entre 18 i 68 aña di edat, akusá di delitunan manera manifestashon ilegal, poseshon di arma ofensivo, atake na agentenan i agreshon.

Segun l einan di Hong Kong, partisipá den manifestashonnan ilegal por tin un kastigu entre 3 i 5 aña di prizòn i un but di asta 5 mil dòler di Hong Kong.

Ademas di e reklamonan normal den e tipo di protestanan aki, e siudadanonan e biaha aki kier a ekspresá nan mal kontentu pa e skarsedat di asistensia polisial durante eventonan. Esaki na e okashon aki tabata un kapítulo nobo, di kua a inisiá na inisio di yüni último kontra un propuesta di lei di ekstradishon.