28 menor di edat venezolano reskatá na Colombia

129
Ta trata aki di tur menornan di edat i prosedente di Venezuela.

BOGOTA – Outoridatnan kolombiano a reskatá un total di 28 menor di edat venezolano ku tabata keda usá a vários gruponan di delinkuente pa pidi kos riba kayanan di Bucaramanga, kapital di Santander.

E Instituto Estatal Colombiano di Bienestar di Famia, a informá den un komunikashon ku nan ta atendiendo un total di 28 mucha venezolano ku a keda reskatá. Esaki aparentemente den diferente operativo nan.

Dia 11 di mart último, outoridatnan di e siudat a alertá e Alkaldia i demas outoridatnan di e situashon i presensia di menornan di edat migrante i pa e motibu pa kua nan keda usá pa diferente grupo delinkuente.

E akto aki ta keda tipifiká pa lei kolombiano komo trato di persona i ta keda kastigá ku kastigunan di prizòn ku ta varia entre 13 i 22 aña i butnan mionario.

Despues di verifikashon di e derechinan realisá pa Defensoria di Famia di ICBF, a habri un proseso atministrativo di restablesimentu di derechi na 13 menor i edat pa diferente kaso.

E informashon ta detayá ku di e total aki, shete ta ku nan famianan, sinku a keda ubiká den bibiendanan sustituto i un lo keda interná den otro institushon di protekshon.

E otro 15 menornan di edat tambe a sa di regresá bèk ku nan famianan. Esaki despues ku nan mayornan a keda di but pa outoridatnan, loke ku ta obligá nan ademas di asistí na un kurso di bon práktika i kriansa.