Defensa ta haña víktima ta kontradesí su mes den su deklarashon

245
WILLEMSTAD,— Abogado mr. Lodewijks a defendé su kliente Andrew Oseana den e kaso dòbel i intento asesinato den bario di Souax, unda el a bisa ku e víktima mes ta kontradesí su mes den su deklarashon.

Esaki despues ku Ministerio Públiko tabatin su rekisitorio amplio i a trese dilanti ku ta Oseana ta esun responsabel, mirando ku e deklarashon nan ku tin kontra di dje i tambe e konklushon ku e verbalisante por proba esaki.A pidi 30 aña di prizòn pa e Oseana den e kaso aki. E abogado a trese dilanti ku e víktima ku a sobrebibí e tiroteo, lo a kontradesí su mes den su deklarashon.

Mr. Lodewijks a trese dilanti ku tabata na Colombia ku e víktima lo a kuminsá deklará den e kaso, unda e víktima nan Pedro i Molina lo a bin pèrdè nan bida, despues ku lo mester a tira nan ku un shòtgùn. Tabata 3 di sèptèmber último ku lo a skucha e víktima Tielman promé biaha, na momentu ku e tabata na Colombia.

E víktima lo a bisa ku e tin kontakto tur ora ku e sospechoso via Whats App segun e abogado. Tabata aki ku e víktima lo a bisa ku e sospechoso lo a fi’é 700 florin. Segun e abogado ku e víktima lo a deklará ku e sospechoso Oseana lo a drenta den e barberia di e porta, unda lo el a puntr’é pa e plaka. Segun e abogado ku e víktima lo a deklará ku e sospechoso lo a drenta i dirigí arma riba nan i puntra pa e plaka.

Tabata despues di e pregunta segun e defensa ku e víktima lo a bisa e sospechoso ku e no tin e sèn. Segun e defensa ku den un deklarashon e víktima lo a bisa ku  Oseana lo a kana bai outo, unda lo el a drenta e negoshi ku arma kandela i los tiru dirigí riba nan. Mr. Lodewijks a para ariba ku tin algu ku no ta kuadra den e deklarashon.

El a splika ku e víktima a bisa ku no tabatin un diskushon miéntras e mes a bisa ku e sospechoso lo a yega i puntra pa su plaka. Tambe e abogado a trese dilanti ku e víktima lo a trese dilanti ku el a mira ku Oseana a tira riba e 2 otro víktimanan ku no a logra sobrebibí e tiroteo i a pèrdè nan bida na e sitio mes.

El a sigui indiká ku den e último deklarashon e Tielman lo tabatin un otro historia for di esaki. Segun e defensa ku e víktima a deklará ku el a mira e sospechoso ta kana drenta e negoshi unda el a bai kontr’é i nan a papia pafó di e barberia. El a bisa ku e sospechoso lo a pidié pa e plaka, unda lo el a bèl un persona ku tabata deb’é pa asina e por haña sèn pa paga Oseana.

E víktima lo a bisa Oseana pa sinta warda, unda despues di 40 minüt lo e la manda mensahe pa e persona ku deb’é i bisé ku tin un hende ta sintá ta warda e sèn. E abogado a trese dilanti ku e víktima lo tabata sintá ku algun mucha chikí na un trapi unda Oseana lo a presentá ku e arma dirigí i a bisa ku el a kansa.

Segun e defensa ku ta trata aki di 2 deklarashon i ku nan ta kontradesí otro. El a bisa ku a base di e deklarashon nan aki, no por kastigá su kliente i ku e prueba nan no ta legalmente i kombinsentemente probá.