Hòmber ta fayesé despues di warda seis ora den sala di emergensia sin keda atendé

288
E hòmber tabata tei e dia promé tambe na e sentro médiko.

BUENOS AIRES – Juan Carlos Borini, di 64 aña di edat, a pèrdè su bida den sala di espera di e hospital Provincial del Centenario di e siudat di Rosario, Argentina. Esaki despues di a warda kasi seis ora pa por keda atendé.

E víktima aparentemente tabata move den ròlstul ya ku e tabatin un pia ku a keda amputá. Esaki tabatin antesedente nan di alkoholismo króniko i diabétis. E dia anterior di su morto, el a presentá na e mesun sentro médiko aki, unda segun vershonnan, e personal a sugirí na su persona pa keda interná. E hòmber ta kende a ninga esaki, pero miembronan di su famia ta indiká ku e historia aki no ta kuadra ku realidat.

E hòmber a regresá e dia siguiente, na alrededor di 4or di atardi i a warda e personal durante sinku ora i mei, na momentu ku situashon a empeorá. E personal médiko a asistí e momentu ei ku urgensia, pero Borini lamentablemente a fayesé na e sitio mes, na alrededor di algu despues di 9or.

Fuentenan polisial a indiká ku e personal médiko no kier a firma un sertifikado di defunshon di Borini, pa kua a pidi presensia di un dòkter di polis.