E tránsito Bibu di Vigilante TV djasabra anochi ku No Game a tembla kaya

417

WILLEMSTAD,—-Djasabra mainta a sali den Korant Vigilante ku anochi pa mitar di 11 e team di Vigilante Farándula lo bai ta Live ku un agrupashon musikal. Loke si nan no a bisa ta kua agrupashon musikal nan lo bai ta Lve kuné.

Tur hende mester a warda te ora ku mitar di 11 di anochi a bati pa asina wak ta ku kua agrupashon musikal e team di Vigilante Farándula ta den kaya kuné. Hopi hende a sinta trankil warda mitar di 11 bati, i manera ku loke a Sali djasabra mainta den Korant Vigilante esaki a sosodé tambe.

T’asina ku mitar di 11 nèt e team di Vigilante Farándula a bai Live i e presentadó a anunsiá ku nan ta para den hanchi di Club Sugar i pa despues di algun minüt e presentadó a kana bai den direkshon di algun músiko i a resultá ku esaki nan ta músiko nan di agrupashon musikal No Game.

E presentadó a presentá algun di e músiko nan ku tabata presente, i  pa despues nan a wanta un ratu ku e transmishon inesperá di e Limousine ku a yega nèt 10 pa 11. Kaminda pa 11 or en punto tur músiko i kantante nan manera Roald Balentien. Rich Pieter. Papito. Long. A drenta den e Limousine i bai dal un buèlta den kaya. Den e Limousine tabatin diferente entrevista ku a tuma lugá. Esaki sigur a kai den masha bon tera. Hopi hende a wak e transmishon di djasabra anochi tras di lomba, i asina por a bida e momentu ku músiko nan di agrupashon musikal No Game.