Grupo Caché ku GIO den kaya 2020

616
Nan ta den kaya 2020 ku Trailer nobo i agrupashon musikal GIO.

WILLEMSTAD,—-No tin duda ku selebrashon di Karnaval 2020 ku ta e di 50 edishon pa loke ta trata era nobo. Pa ku esaki práktikamente tur grupo di Karnaval a kuminsá ku nan preparashon nan kaba. Wikènt tras di lomba ‘E Mulina’, a haña e konfirmashon ku Grupo Cachè ta bèk den kaya i nan ta hasi esaki ku nan banda di kas ku GIO.

Otro informashon ku ‘E Mulina’, ta disponé di dje ta bisa ku, ya nan a kuminsá ta traha riba un mònster di Trailer pa agrupashon musikal GIO. Ta trata aki di un Trailer ku sigur lo bai bira tópiko di kombersashon na momentu ku esaki pasa den kaya durante di marcha nan di Karnaval ku ta dia 23 i 25 di febrüari 2020.

‘E Mulina’, a yama lider di Grupo Caché i nos a bisé di e informashon nan ku nos ta disponé di dje di tantu Grupo Caché i tambe agrupashon musikal GIO pa loke ta trata e temporada di karnaval 2020, mester bisa ku e lider a bisa ‘E Mulina’, “Bo tin ku wardami te djamars anochi lo mi tin kontesta pa bo, awor aki mi no por bisabu nada, nada”.

Esaki sin duda ‘E Mulina’, semper ta hasi tambe, esta respetá opinion di kada hende. ‘E Mulina’, ta sinta warda trankil, paso djamars ta nèt un dia mas. Loke ku ta hasi mas importante ta kiko e lider lo tin ku bisa ‘E Mulina’, paso sigun nos ya nos a papia tur kos di Grupo Caché den e artíkulo aki kaba. Pero nos ta warda trankil pa djamars yega.