Quincy Cicilia tambe ta forma parti di e banda nobo “Excellence”

2205
E tambe ta forma parti di e banda nobo “Excellence”.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku tin moveshon nan rondó di e hóben kantante Quincy Cicilia. Mester bisa ku Quincy na ki momentu ku e banda TUNE haña presentashon e ta para den fornt di e banda TUNE.

‘E Mulina’, a haña informashon ku Quincy Cicilia tambe ta forma parti di e agrupashon musikal nobo ku ta karga di nòmber “Excellence”. Ta trata aki di un agrupashon musikal ku ta toka tur género musikal i tambe Ritmo Kombiná.

Mas aleu nos a keda pone na altura ku e banda nobo su front ta forma pa sinku kantante i esaki nan ta dos dama i tres kabayero. Tambe nos tin informashon ku e banda tin e parti di metal tambe, den otro palabra e banda tin su parti di Brass. Pues ta trata aki di un agrupashon musikal formal. Tambe ‘E Mulina’, tin informashon ku tin tres kompositor areglista super popular den nos farándula di Reino Hulandes ku ta bai traha piesa pa e banda nobo “Excellence”. I ku Quincy Cicilia lo bai graba un komposishon di un di e tres kompositor nan grandi ku ta move duru den nos farándula lokal.