Saddy Klaber a pasa forma parti di Radio Play FM

345
E la pasa forma parti di Radio Play FM 97.1 na Boneiru.

WILLEMSTAD,—-Di informashon ku a drenta na mesa di redakshon di ‘E Mulina’, direktamente for di Boneiru ta bisa ku un biaha mas tin otro moveshon ku a tuma lugá den mundu di Radio na e Isla di Flamingu.

T’asina ku nos fuente a informashon ‘E Mulina’, ku Saddy Klaber ku den pasado tabata laborá na Radio Panchito Online, a pasa forma parti di Radio Play FM 97.1. Mester bisa ku den un tempu hopi kòrtiku tabatin basta kambio ku a tuma lugá den mundu di Radio na Boneiru.

Pa loke ta trata e kambio di Saddy Klaber di Radio Pachito Online pa Radio Play FM 97.1, esaki hopi hende a mira esaki ta bin na Boneiru, paso último tempu nan aki nan a bin ta siñalá Saddy hopi den kompania di algun trabou di Radio Play FM huntu.

Mas aleu ‘E Mulina’, tin informashon ku Saddy su programa nan lo bai ta riba djasabra i djadumingu di 6 or pa 8 or di anochi. Pues awor Radio Play FM. 97.1 tin un Dj Lokutor nobo den famia i ta trata aki di un persona ku sa bon, bon kiko e ke i den ki direkshon e ke bai, esaki ta loke di mas importante ku tin den bida.