20 aña di prizòn kontra tatanan di kriansa pa abusá seksualmente di yunan

91
Ámbos hòmbernan a keda kondená na e kastigu máksimo den tipo di kasonan aki.

SANTO DOMINGO – Dos hòmber a keda akusá pa Ministerio Públiko di a kometé diferente echo i delitunan di abusu seksual den perhuisio di dos yu muhé di kriansa menor di edat. Esaki nan a keda sentensiá kada un na 20 aña di prizòn, e kastigu máksimo ku lei ta duna den e tipo di kasonan aki.

Ku e dos sentensianan aki, diktá na e provinsia di Hato Mayor, a suma un total di 39 sentensia kondenatorio diktá den loke ta bai di e aña aki na diferente lugánan di e pais. 19 di esaki nan ta korespondé na kastigunan di 20 i 15 aña di prizòn den kasonan di abusu seksual kontra víktimanan di entre 3 te ku 17 aña di edat.

Den ámbos kaso, outoridatnan a indiká ku e hòmbernan aki a abusá di yu muhé di nan parehanan, ámbos tambe di 12 aña di edat. E nòmber di e akusadonan no a keda divulgá den intento di protehá e identidat di e víktimanan.

E aktonan aki a keda registrá na aña 2017, miéntras ku nan tabata menasá nan víktimanan ku morto. Inkluso den un di e kaso nan aki, un di e menor di edatnan a sali na estado.