30 i 31 di ougùstùs GENTZ i Deluxe Stars i Buleria ICONS

475
Esaki ta loke ku a sali dia 14 di yüli riba FaceBook.

WILLEMSTAD,—-‘E Mulina’, a bin tuma nota ku fin di luna aki di dos fiesta grandi tras di otro. Ta trata aki di e fiesta di djabièrnè dia 30 kaminda ku lo bai tin agrupashon musikal GETNZ TRE’CHIC i Deluxe Stars, esta e kantante nan ku den pasado tabata forma parti di Cache Deluxe i su dia despues ku ta dia 31 lo bai tei direktamente for di Aruba Buleria den kombinashon ku ICONS.

Tur e dis fiesta nan aki ta para pa rementá e kaya, pero loke si ku ta bai bira un problema ta e echo ku ámbos ta muchu den kustia di otro. Esaki por pone ku un di e fiesta nan aki por bai ménos bon na hende. Kòrda ku e fiesta nan aki ta pega, pega riba otro i esaki ta kosta sèn èkstra kon ku bo wak e.

Pa loke ta trata e parti musikal tur e tres agrupashon musikal nan ta para fuerte. E pregunta ta ‘Di e promotor  di ku ta para tras di e fiesta di djabièrnè 30 di ougùstùs no a pone su fiesta un siman promé i òf un siman despues di esun di Buleria i ICONS, ya asina e no ta stroba ku nada, of di kon no por a sinta na mesa ku e promotor ku tin e fiesta dia 31 di ougùstùs.

Loke si ku ‘E Mulina’, a tuma nota di dje for di algun siman tras di lomba, ya tabatin e flayer di e fiesta  forma pa Buleria i ICONS ta pa eksakto nos a mira esaki riba e plataforma di FaceBook for di 14 di yüli tras di lomba. Esaki a tuma lugá un dia despues di e fiesta di Hunneley Felicia. ‘E Mulina’, ta kere firmemente ku promotor nan mester kuminsá na respetá otro su fiesta, paso esaki por hiba nos farándula mas atras ku e ta na e momentu nan aki.