4 di e 5 futbolistanan ku mas gol lo ta den e wega final

227
Nicolas Rocha Gomez.

WILLEMSTAD—4 di e 5 futbolistanan, kende tin mas gol anotá durante di e aktual temporada di futbòl FFK den promé divishon, lo ta parti di e gran final futbòl FFK.

Un ke otro djadumingu benidero, na momentu ku e ekipo di Scherpenheuvel, dirigí pa Kenneth ‘Bob’ Bernabela, enfrenta e ekipo di Vesta, ku ta bou di direkshon di Henry Caldera. Ku esaki Kòrsou lo bai konosé tambe un kampion nobo, despues ku Scherpenheuvel, tin mas ku 50 aña sin logra e titulo, miéntras ku Vesta ta buskando nan promé titulo.

Durante di e gran final, djadumingu próksimo, kual ta programá pa hunga inisiando 6’or di atardi den Stadion Ergilio Hato, lo bai tin 4 di e 5 hungadónan kende mas gol a anotá e temporada aki den akshon. Nan ta repartí den 2 pa kada ekipo, unda Scherpenheuvel ta konta ku Nicolas Rocha Gomez i Jimbertson Vapor, miéntras ku Vesta tin Mirco Colina i tambe Ruchendro Kierindongo.  Jurensley Martina di Centro Barber, ta e otro futbolista, entre e mihó 5 goliadónan, kende lo no ta presente den e gran final.

 

E 5 futbolistanan ku mas gol anotá ta:

HUNGADO                                       EKIPO                        GOL

Nicolas Rocha Gomez                   Scherpenheuvel                 16

Mirco Colina                                 Vesta                               14

Jimbertson Vapor                         Scherpenheuvel                 14

Jurensley Martina                         Centro Barber                   12

Ruchendro Kierindongo                 Vesta                               10