6 aña pa trahadó haf pa kontrabanda kokaina

82
trahadó haf tabata pasa droga den konteiner kontrolá kaba
ROTTERDAM—Un trahadó di haf (44)  di Rozenburg a keda sentensia na 6 aña kastigu relashoná ku kontrabanda di kokaina riba gran eskala.

Korte a haña probá ku e trahadó tabata envolví den tres transporte di droga, un total di 1150 kilo di kokaina. E hòmber tabata traha na un kompania di transborde den haf Rotterdam. E tabata regla konteinernan for di paisnan sospechoso tabata keda pone banda di konteinernan legal. E droga tabata keda pasa den konteinernan ku ya a keda kontrolá pa duana. E kastigu ta menos ku demanda di OM pasobra segun e hues e tabata un parti chiki den e totalidat segun RTV Rijnmond. E no tabata envolví den e organisashon di e transportenan. Si korte ta haña ku e hòmber a hasi mal uso di su funshon den posishon di konfiansa, kaminda ta page bon pa e kombatí korupshon. Dos aña pasa a gara e trahadó den akshon. Ora polis a tene entrada e tabata den su kompiuter ta finalisá e konteiner. Den e konteiner polis a haña 363 kilo di kokaina.