Atenshon atenshon “Den Do Mayó” su orario a kambia

373
E ta hasiendo un bon trabou den e programa di farándula “Den Do Mayó”.

WILLEMSTAD,—-Atenshon na tur e siguidó nan di e programa di farándula ku ta pasa na Kanal 13 TV Direct “Den Do Mayó”, i tambe riba e diferente plataforma nan, ku for di djarason awor pa futuro lo bai tin un kambio pa loke ta trata e orario di e programa ariba menshoná.

T’asina ku for di dia 13 di mart ku tabata e fecha kaminda ku e programa “Den Do Mayó” a hasi su debut na kanal 13, esaki tabata riba un djarason i su orario tabata di mitar di 7 pa 7 or di anochi, esta un programa di mei ora.

Pero awor for di mañan e programa lo bai tin su orario nobo. Awor e programa lo bai dura 45 minüt i e ta kuminsá for di kuartu pasa di seis i e ta kaba 7 or. Esaki ta nifiká ku mas kos e invitado lo bai konta durante di e entrevista. Pues for di  mañan e programa “Den Do Mayó” su ora ta kambia.