Curaçao Neptunes lo trata na alargá su titulo di kampion…. Neptunus i Amsterdam ta ripití den final ‘Holland Series’

92
Curaçao Neptunus i L&D Amsterdam un biaha mas den final di Holland Series.
AMSTERDAM – E dos ekiponan faborito pa gana e titulo di kampion di e Hoofdklasse na Hulanda, a logra klasifiká pa e Holland Series despues ku ámbos a bari nan oponentenan durante fin di siman.

E aktual kampion, Curaçao Neptunus, a bari e seri kontra di Hoofddorp Pioniers (3-0) miéntras ku e e ekipo L&D Amsterdam tambe a sa di bari e seri kontra nan oponente HCAW (3-0). Pues ku e resultado aki e Holland Series 2019 tambe lo bai entre e ekiponan Curaçao Neptunus i L&D Amsterdam.

Por lo pronto e promé enkuentro di e seri final aki, e Holland Series, ta planiá pa tuma lugá dia 22 di ougùstùs próksimo, pero mirando ku ámbos ekipo a bari nan seri di ‘playoff’ den tres enkuentro, e liga ta analisando e posibilidat pa wak si e Holland Series por kuminsá un siman promé.

E ekipo di Neptunes ta desidido pa ripití e titulo miéntras ku L&D Amsterdam ta bin tur ku tin pa koroná komo kampion.