Djabièrnè 16 di ougùstùs Ramsey Silie ta debutá den Classic XD

419
Otro siman nan dos ta huntu den Classic XD.

WILLEMSTAD,—-Di informashon ku a drenta na mesa di redakshon di ‘E Mulina’, ta bisa ku djabièrnè 16 di ougùstùs ku ta otro siman e kompositor areglista Keyboard man Remsey Silie ta hasi su debut den agrupashon musikal Classic XD.

‘E Mulina’, ta asta disponé di informashon ku ya Remsey a kuminsá pasa riba diferente piesa di e agrupashon musikal Classic XD. Pues pa hopi ku a duda den e diferente informashon nan ku tin kaya rondó di e músiko ariba menshoná den kaya, por kuminsá na saka esei nan for di nan kabes, paso Remsey Silie otro siman djabièrnè ta bai bira membrio nobo di agrupashon musikal Classic XD.

Ku e moveshon aki, sigur e banda XD lo bai bira mas fuerte den ámbito di Kòmbèk. Paso awor nan tin un kompositor mas den kas ku tambe ta komponé piesa nan ku por bira hit nan grandi. Djis kòrda ku e hit di momentu “Ma frei bo, ba basilá ku mi” ta riba su nòmber.

No tin duda ku e moveshon aki lo bai hala bastante atenshon den ámbito di Kòmbèk, paso tin basta tumor den kaya, pero esaki ta e informashon ku lo bai sali na kla otro siman djabièrnè na momentu ku Remsey Silie hasi su debut den agrupashon musikal Classic XD.